دنيا وفيها العجب
بقلمى/ أحمد جـابـر أبـوهنتـش
قصه وحكايه غريبه
الطيبه بقت شتيمه
والدياثه بقت ليها قيمه
مالك يا بلادي بقيتى
غريبه
ولا أنا اللى فيكى غريب
عايش فى عصر النهضة
ولا ف عصر الفتنه
عايش ف عصر النور
ولا ف أيام عتمه
جاهل بيحكم ويتأمر
والعالم بيه نتمسخر
سفيه معاه الفلوس تلال
ع الغازيه يصرف الأموال
تقوله فقير عالباب
يطرده ويقول دا شؤم كمالغراب
الجاهل يا بلادي بقى سيد
والعالم بنور العلم متقيد
والطالب بقى بيه
والمدرس شغال عنده يابيه
والدنيا حالها اتقلب
تشوف فيها العجب
الحجاب بقى قلة ادب
والغازيه تاخد وسام الأدب
والأم فيكي كانت مدرسه
ف البيت طبيبه وحكيمه ومدرسه
فوق الراس عاليه
وفالعيون متشاله
بقت دلوقتي علينا عاله
بدل ما تعلم الواد ويا البنيه
تخلى مثلهم مطرب ولا مغنيه
وتقولهم رقاصه بقت الأم المثاليه
دنيا وفيها العجب
الدنيا حالها انقلب
معاك فلوس
عالخلق عدى ودوس
الشيخ يقولوا عليه منافق
والكافر يقولوا عليه مدرك وفاهم
وتاجر الدين بقى بعد بصير
وصاحب الدين أصبح فقير
دنيا وفيها العجب
دنيا وحالها انقلب
أحمد جـابـر أبـوهنتـش
أكاديمية النجاح للتدريب والتنمية 
أضف تعليق