بعافر أنا و حلمي..
عبدالله رجب ابوعدنان
طلوع السلم مش بالساهل
تعرق والعرق ع الكاحل
انده لحلمي
يبعد عني
ويزداد حزني
لكن لازم اعافر واحاول
ويصطدم القلب بالهواجس
ووطن لابس ومش لابس
والحلم ف العروق حابس
واشد ف عروقي
ويخفت نوري
والمس بنت ع الورق
فيتنقض وضوءي
وف صلاتي نجاه م الغرق
وابص لنفسي و ابرق
وفيه ناس ف اديها نار بتحرق
وناس تانيه للحلم بتسرق
وناس تموت و تجادل
والبعد عنهم غنيمه
وانا مش نجم سيما
لكن شعري ليه قيمه
وجوايا شلال هادر
ولسه انا وحلمي بعافر
يمكن ف يوم يصدقو إني شاعر
واطلع ع القمه
واحلف مانيش نازل
بعافر أنا و حلمي…
عبدالله رجب ابوعدنان
أكاديمية النجاح للتدريب والتنمية 
أضف تعليق