غرب النوباريه.
عبدالله رجب ابوعدنان
ف غرب النوباريه
الغمام ضلل عليا
شربت مر واسيه
مارتويت ولا شبعت
وكنت عن الدنيا رحلت
لكن أمي فرحت إني استرجلت
وبقت توثق فيا
الريح شديده وصعبه
و الامر الغربه
وكانت ترحيله معقربه
والريس كان سجان
بصمجي وبنص لسان
يعبي ف قراطيس الأحزان
ومن غبار الاسمنت
يرمي نفسه ف خزان الميه
والسلفه عيش كسر
وانا اللي كنت فاكر نفسي نسر
و اتوضا واصلي العصر
وادعي ربنا تعدي الايام
.
طول الليل سهران ما بنام
واطمني نفسي انا تمام
وأقرأ آيات القرآن
واتلجلج زي عادتي
وواخد معايا حلمي
وكنت فرحان بشكلي ورسمي
صغير فرفور وبحب بنيه
وكبرتايه مقطعه
والخطوه متسربعه
وليالي حزينه موجعه
ومسامير دخلت ف رجليا
واكبس ع الجرح بجبس
وجتتي م الوجع ما بتحس
يا حظ إنت فين بس
ولقيه فوق تل عالي
اشد فيه ويشد فيا
وقالي سلامات يا غالي
مش إنت المقصود يا عنيا
غرب النوباريه.عبدالله رجب ابوعدنان
أكاديمية النجاح للتدريب والتنمية 
أضف تعليق