اللهو الخفي.عبد الله رجب ابوعدنان
ف زمن اللهو الخفي
الرغيف خفي
والجدع م الهروله حفي
والغلا لابد ف الخص
من بعيد غني بيبص
الشكوى بقت همس
والنور ف القلوب مطفي
ع الونش بيلف كما الساقيه
يا سلام ع الناس الرايقه
لبس الحرير عليهم لايقه
واحنا ف الخيش لابسين تراطيش
وهم بيطلع من النخاشيش
ورايات بيضه وسوده
وخضره وسيوف معووجه
ما احنا ف زمن الهوجه
وريح البكا إعصار
ومره لبست هدمتي ب المندار
واللهو الخفي كما الجزار
لابيفرق معاه دم
ولا وجع ولا هم
ولا أب ذليل ولا دموع أم
واداري دموعي بكم
جلابيه مصنوعه من كفن الاموات
وأمي قالت لي كفياك سكات
لا بالحيا عليك تتردم
خليك يا ابني اصم
أعمل ايه والرغبف ب جنيه ونص
وقلوب العليوي ما بتحس
وانا م الجوع يا حبيبتي مكفي
قلبت ف نفسي لقيتني شويه عضم
ونادى المنادي يا اهل البلد كله يتلم
اللهو الخفي غلا مغطي ع الحلم
وصاحب المعالي ما عنده دم
وشويه والناس من ع الارض راح تختفي
أكاديمية النجاح للتدريب والتنمية 
أضف تعليق