جرح الاحبه.
عبدالله رجب ابوعدنان
انا عايش وكني ميت
ف دنيا الملاعين
زرعت حب وشر جنيت
وف وجعي فرحانين
ياما انخدعنا ف صحبه
وف قرايب
خلان وقربه
كانو حبايب
دالوقت اول البايعين
جرح الاحبه بكانا
خسرنا كل حاجه معانا
ضاع الحب وضاعت الامانه
وف دموعنا غرقانين
ادي سكه اللوم امشي فيها
وادي السماحه ارض ببنيها
وسكه الاحزان يالله نعديها
الدنيا تساعنا احنا الاتنين
مش بالفلوس ع الناس تدوس
يا صاحبي كفايه
الغدر ف طبعك وانا كنت بحبك
ووصلتنا للنهايه
ياما انجرحت وجرحى سبب احزاني
حزين وحزني من اخواتي وخلاني
حتى الطبيب المداوي
من شده وجعي بكي مرتين
انا عايش ومش عايش ف دنيا ما تساويش
ظلموني اكمني بحب وقالو عليا درويش
يا عالم سيبوني احب انا بالحب بعيش
وليه الفرحه مستكترين
أكاديمية النجاح للتدريب والتنمية 
أضف تعليق