آه والف آه
كلمات حموده دهمان
آه والف آه
على اللي هانت عليهم
العشره والأخوه
على اللي
فرطوا في الثوابت
وفي العزوه
على اللي
قطعوا صلة الأرحام
واتمسكوا بالفرقه
آه والف آه
على اللي
سلموا عقلهم لإبليس
واتمعننوا في لف العمه
على اللي
سمعوا كلام الرخيص والخسيس
ومشيوا في طريق بلا عوده
على اللي
مش شايفين الحقيقة
من كتر ماعاشوا في الضلمه
آه والف آه
على اللي
صلوا بالناس أأمه
وهم مش حافظين الفاتحه
على اللي
خلوا الفلوس تاج فوق الرؤوس
وفضلوها على الإخوه
على اللي
حبوا مصلحتهم وكرهوا حبايبهم
تحت شعار انا مش هو
آه والف آه
على
التاريخ اللي ضيعوه
بغلاظة قلوبهم من جوه
على
النهج اللي بدلوه
بالشراسه والقوه
على
الجبال اللي بتهدم نفسها
بالمعانده والقسوه
آه والف آه
على اللي
فاكر نفسه صح
وهو مخلي الضلمه قدوه
علي اللي
خلى الكبر دينه
واستهان بفضل النبوه
على اللي
بيعادي اللي ليه
وفاكر نفسه هيدخل الجنه
آه والف آه
أكاديمية النجاح للتدريب والتنمية 
أضف تعليق