أشوكت أشوف هلال عيدك ..!!
حتى أحطه بعيني طيف… أيناغي بيـك
وحتى يحلالي السهر … حد الفجر !!
وبجلّة أشتاي أعتنيـك
وصفة أضلوعي الك مسند يتجّي
ولهفة المهجه تجيـك
وتفرش ,, وسادة حرير امن الهيام
وبيها بس انت التنام
وتشهكَـ الروح بترافه وتشتهيك
وتعزف أوتار الكَلب .. بهجة لقـاء..!!
وبي رمز عفه ووفاء
وبي فرح يتطاير وينثر عليك
وبي رفيف الروح ,, يصحى ..!!
ويعتني أبلذة شغافه ويشتريك
يالخيالك عاث بهروش الدليل
ومستحاته أمحدده ترجف بديـك
وغاص بجروحي دلال المستحه ..!!
وفزز هيام الغافي بيك
…………………………………..
ألف يحسد شجن روحي … وألف لام
وألف ينثـر شجن روحي … وألف لام
وألف ميم الشجن روحي .. والف لام
عسىٰ يتحقـقن .. كلهن سويّه
بقلمي.. الشاعر حاكم الأسدي.. العراق
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
أكاديمية النجاح للتدريب والتنمية 
أضف تعليق