( هاتو البخور )
بقلمي / محمد سليمان ابوسند
هاتو البخور من
العطارين
فاسوخة ولبان دكر
وأوعاكو تنسو
عفريت عيون الست
لابس ومتغندر
وحاكم ومتسيطر
من كل اللي حوالينا
عفاريت في صورة بشر
بالسحر والشعوذة
شمهورش شعلل
نيران البيت
في ليله ليلة صفا
نسجت خيوط الحيلة
ورشت مايتها
قدام بيبان البيت
فيهم الي رحل
وفيهم اللي اتقسم
حاكم فراقهم صعب
كانوا زينة رجال الحي
هاتروحي من ربنا
قدرك وجايلك جاي
نسيانه ولا المال
طمس عيون الخلق
افتكري يوم تنزلي
لاينفع معاكي مال
ولاد وعزوة فاتوكي
شوفي راحو فين
دلوقتي
واسألي اللي سبقوكي
أهلك وسابوكي
كان الجشع مالي
حبابي عنيكي
وصدق اللي قال
عيون بتفلق حجر
وعيون بتحبس بشر
وعيون تود هناك في
سكة اللي يروح
وناس مايملا عنيهم
غير هو تراب القبر
وعجبي
بقلمي / محمد سليمان ابوسند
أكاديمية النجاح للتدريب والتنمية 
أضف تعليق