توب مش توبه.
عبدالله رجب ابوعدنان
لبس عبايه مزركشة بالألوان
شويه شيخ جليل
والسبحه ف ايده دليل
وذبيبه وفتاوي تهد الحيل
وشويه يقلب كما قسيس
يكون بنچامين أو حليس
وبينه وبين الاخوه ترابيس
وشويه تلاقيه كما البهلوان
توب واسع فضفاض
يخيل ع البت وع الواد
وازاي يكون ظالم ويكون الجلاد
وتتعب نفسك معاه تدعيله ولا تدعي عليه
ياخدك ف سكته ولا ربنا يهديه
سكك داخله ف بعضها
تتعب لو حاولت تعدها
يصعب تحدد هويتها
حاجه كده زي فوهة بركان
يعصر على نفسه ليمون
عقل أحياناً وساعات مجنون
يصلي الجمعة وع الباب يسب الدين
تجاعيده حاده وساعات حنون
لدرجه تخليك تقول هوا مين
الشيخ ولا الصاحب
ولا دا الشخص المناسب
الطيب البريء
اعز رفيق
ولا للخيانه حابب
بيتلون حسب الظروف
يكره المغنى ويرقص ع الدفوف
يلعن الثوره ويضرب ع الكفوف
وف لحظه تلاقيه ف الميدان
أكاديمية النجاح للتدريب والتنمية 
أضف تعليق