حلوا قيود الشقيانين
اللي شربوا كاسات الذل
في كل الساحات واقفين
يتمنوا الشقى عليهم يطل
ركبوا التكاتك سواقين
من أجل لقمة عيش للطفل
ومنهم اللي مدوا الايدين
رغم العفاف مش لاقيين حل
بالأمس كانوا شقيانين
وكانت حالتهم زي فل
كانوا بالشقى مبسوطين
لقمة حلال لو عيش وبصل
لو لقوا يومية بالضالين
يفرحوا ويقولوا الخير هيهل
معظمهم صبحوا مديونين
مش لاقيين حتى تمن الفجل
أسطوات وصنايعية ومقاولين
بعد النجاح شعروا بالفشل
سكنوا الفراغ مرغمين
ولسانهم دايما مافي شغل
حلوا قيود الشقيانين
اللي شربوا كاسات الذل
(((أسامه جديانه)))
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
أكاديمية النجاح للتدريب والتنمية 
أضف تعليق