همسات شعرية غنائية
،،،،،،….
اجا الربيع ومعو اجا نيسان
وصار الدفا بدنا نروح عالبستان
لننشم عطر الورد والرمان
ومنشو كنو برعموا الزرعات
وعالبياًدر منتفقد القيمات
ومننطر صبايا الحي عالطرقات
ونعمل معن حفلة غني ودبكات
صباحك امل ودفء نيسان
يا بردان
…………………
تعبنا وصرنا بدنا نفل
من هالوضع الكلو غل
قلو خيو العمرو صغير
ليش بدك تأخذنا وتفل
الدنيا كبيرة ما من مل
العيشي حلوة بهالدنيا
بس الحب يضل يطل
ويموت الحقد بقلب الناس
والمحبة تلم الكل
……………………
اصحي من نومك يا حلوة
شوفي الدنيا شقدا حلوة
لا تنسي حالك بالفرشة
بتروح عليك الفرجة
شب وبنت من الضيعة
عميرقص عند الشرفة
قومي شوفي هالشوفة
و بعدا بتنسي هالفرشة
………..
جرجس لفلوف سورية
أكاديمية النجاح للتدريب والتنمية 
أضف تعليق