رحلت العزايم في رمضان
بين الحبايب والخلان
بسبب الغلاء الجبان
صاحب العيال مسكين غلبان
ليله نهاره في توهان
مشغول بالعوزه والحرمان
رابط على بطنه حزام الأمان
على أكل العيش حيران
بياع أو عامل شقيان
مش لاقي لنفسه كيان
بيناجي ربه المنان
يبعد عن قلبه الأحزان
و يرزقه برزق اولاده
من عرقه يبلغ مراده
ولا يوم يمد ايده
ولا يوم يفكر في بكره
تبات عيلته حامده شاكره
ما يبات سهران عالمخده
القرش صبح عالقد
ولا يقدر يعزم حد
العيشه صبحت صعبه بجد
والكل على قد لحافه بيمد
فيه ناس بتبات الدمعه على الخد
مش قادرين على الطلبات تسد
ولا قادرين يوفوا بأي وعد
ربي ارزقهم بالفرح والسعد
(((أسامه جديانه)))
أكاديمية النجاح للتدريب والتنمية 
أضف تعليق