قالت …
ماني بحاجة ناس مَ عندها إحساس
أنا بحاجة شخص لا طحت جاني
يَ كثر ما نسمع ترى الناس لـلناس
بس الحقيقة طبع هالناس – ثاني
فقلت لها …
الناس في دُنيا الوله عدة اجناس
فيها الوفي ،،،، مثل العقيق اليماني
وفيها المرجان ،،،،، واللول والمآس
وأغلا الجواهر والصفات الحساني
فيها كريم الخُلق ينحط ع الرأس
ويفتخر به ،،،،،،، كل قاسي وداني
وناس فيها ،، الهم والغم واليأس
والعيب والمعيوب ، ،، ماله أماني
إذا لمع مثل الذهب يقلب انحاس
مغشوش …. لمعانه يغش العياني
والوقت يكشف كل بايخ ونبراس
مع مرور أيام …… تحسب ثواني
ما هو بنظرة عين الناس تقتاس
مقاسها … يظهر …. بمر … الزماني
مع تحيات الشاعر ابونادر محمد بن عطاف
أكاديمية النجاح للتدريب والتنمية 
أضف تعليق