شوية دروس
إسمعنى يا ولدى
وأياك لحديتى ما تسمعهوش
عمر كلامى ما كان مغشوش
ده كلام موزون وموصوف متنسهوش
أوعاك يا ولدى لوطنك تخون
ولتراب بلدك تبيع وما تصون
ده الخاين يا ولدى كافر ومرجوم
وعمر ربه عليه ما ح يتوب
أرض بنصيبك يا ضناى وبالمكتوب
وخلى ليك فى الطيب نصيب
ومتجرحش قريب ولا غريب ولا حبيب
ده الجرح لو أتفتح عمره فيوم ما ح يتلم ويطيب
وكن لخواتك كبير وحن عليهم وخليك بينهم محبوب
وحرص من اللئيم ده مخادع
وكداب وعمره فى يوم ما ح يكون صادق وصدوق
وخليك واعي وناصح
وابن أصل وأصول طول ما الزمان دوار وبيدور
وما تحكيش مع الناقص
ومتجلش بنفسك مع سفية أو صغير أو معيوب
وخليك للأدب عنوان
وما تكنش لغيرك كتاب مفتوح
دس روحك جو نفسك
وخلى حزنك جو قلبك
وداوي جرحك بنفسك
من غير متنزل دمعه ولا تعلي حسك
وخليك تقيل وصعب يفهموك
وما تسمحش لحد فيك يعيب
ويغلط حتى لو كان أعلي منك
ما تنسهوش
حتى لو يداك مش طيلاه
بكره خطوتك تكبر وتعديه
وسعتها يا ولدي علم عليه
وردلوا الصاغ صاغين
بس ما تزلهوش
خليك دايمآ ابن أصول
وخليك عزيز النفس
عمرك ما يذلك فقر ولا جيب مقطوع
وآياك تنام وتنسى سلاحك
فيخطفوه ويذلوك
خلى سلاحك صاحى
وبرودك على طول مسموع
خلي الديابة تهرب وتغور
ولو لمحت جبان وخسيس
ساكنة الجبانة والقبور
وخليك فاكر يا ولدي
عمر الواطي ما ح تعليه
هدمة نضيفة وشوية فلوس
ده الواطي واطي
حتى لو علته الناس والفلوس
وشوفته نجم بالسماء أو فانوس
متأمنلوش _*
فتحى موافي الجويلي…
أكاديمية النجاح للتدريب والتنمية 
أضف تعليق