لا
كلمات حموده دهمان
لا
وألف لا
للي بيسرقوا
حلم الليالي
للي بيخطفوا نور
الأماني
للي بيعكسوا ضي الحقايق
بأسود مرايا
لا
وألف لا
للي بيزيفوا التاريخ
للي بيخلوا الربيع خريف
للي بيفكروا ياخدوا الرغيف
من الغلابه
لا
وألف لا
للي بيغتصبوا أرضنا
للي بيفرقوا شملنا
للي بيساعدوا عدونا
بالخيانه
لا
وألف لا
للطواغيت والعقارب
والديابه
للحواديت والوعود الكدابه
لكل منبر بتتكلم منه
السفاله
لا
وألف لا
لكل عربي فرط
في الثوابت والدين
لكل إنسان باع
قضية فلسطين
لكل شيطان أخرص
مشهدشي بأن القدس
للفلسطينين
أكاديمية النجاح للتدريب والتنمية 
أضف تعليق