🌿🌹🌿🌹🌿🌹 حلو . مر 🌹🌿🌹🌿🌹🌿
دنيا فيها . الحلو . مر
يعني بحر ملوهش بر
دورنا دايما . حرف جر
كل حاجة . جاريرها جر
مرة هم . ومرة غم
واللي دوقناه . كله شر
واللي حَبك . بردوا ضَر
جينا نحلم . فاتنا قطر
ولما صَفْر
عدى عُمر
مهما نكتب . ألف سطر
ولا يخلص . كل حبر
المعاني . هي هي
واللي فيها . كله غدر
( بَس . بَس )
هو كله . مُر مُر
طاب ما تيجي . نبص مرة للقمر
إرمي كل الحمل يلا . ع القدر
اللي عندك . شيء طبيعي . من البشر
حكمة عايشة . والحياه . فيها المطر
لما ينزل . مهما يإذي . بردوا خيره بينتشر
يعني مهما الحلو مرر . ولا خوف العتمة يظهر
لينا رب . وعدله دايم . وإحنا بس . علينا نصبر
صلي يلا وإدعي وأشكر . ربنا بخاطرك هيجبر 🌹🌿🌹🌿🌹🌿🌹🌿🌹🌿🌹🌿🌹 من ديوان ( تحت . الشق . هُس ) شادوليات شاذلي محمد عبدالرحمن حسين
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
أكاديمية النجاح للتدريب والتنمية 
أضف تعليق