يا هيبة محبتي وعنفوان الروح
يا لذة غرام ابسيل وجداني
يا نجمة صبح وتنطرتها اهواي
نزلت وي فجرها ابغير ما عاني
يا ضحكة فرحنه البل كَلب نيشان
يا چلمة غزل مدروزه بلساني
يا ريعان نبض البل شغاف أيفيض
دكَـ ساية غرامه أبلبة اركاني
وأستحوذ عله الدلال شبه الغيث
جارف كل حنانه الريع بستاني
وأتناغه أبترافه وسكن بالدلال
وأهتز شوكَـ عشكَه ابثمرة اغصاني
حط ثاية غرامه وثبّْـت المريود
وأتنخه أبونيني وعاش بألحاني
وأنمسحت سوالف صاغها الهجران
من لحظة اموادع ..!! عاد من ثاني
يهتف والدموع ابسيلها جريان
خطت سور فرحه .. أيخفف أحزاني
وايراعي أبملاذه اعيون صدت فوكَـ
من شيمة خجلها ايموج شرياني
صلت يالتيمم كل صلاة الخوف
وأبسجدة خشوع ,,, أنرسم عنواني
طاعه ,, وبي تذلل عد صلاة الليل
ومراجف أطراف … أبرهبه خلاني
دكَـ بصمة عتابه أبلهجة الندمان
وأنعگدت ألسانه ,,, أبخاف تنساني !!
مديت الزنود ولفلفتها أعليه
وأ تناثر كلامي ابجوهر أحساني
وأتعلت ضحكتي وفرحه بيها أتلوگ
لمرادس غرام … الحنه بيباني
بقلمي.. الشاعر حاكم بدر الأسدي.. العراق
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
أكاديمية النجاح للتدريب والتنمية 
أضف تعليق