…… بتوحشنى أمى ……….
كانت بتوحشني أمي
وهى فى حضنى بتسمى
وكانت بتوحشني أمى
لما تغيب وتعملي كوباية شاي
دلوقتي رحلت عني أمي
وسابتني للزمن النساى
كانت بتحب تروق دمي
وتخاف عليا من نغمات الناي
كانت بتهوون عليا همي
وعمرها ما خلفت عشمى
وبضحكتها تفرحني باللي جاي
وفرحتها لما تسمع أسمي
وتقعد تفكرني وانا نساي
القاها تطبطب علي جسمي
وترقييني من اللي رايح و جاي
يبقي مستحيل انسي أمي
صعب عليا ياناس وإذاي ؟
بقيت أكلم نفسى وقالوا عليا رغاى
وبقيت مكتوب فى الورق الرسمى
ح يعيش طووول عمره بكاى
……………………………………..
………. حسن الشوان 🇪🇬 ……….
أكاديمية النجاح للتدريب والتنمية 
أضف تعليق