تقصدت حرفي اليوم يهجيكي
ويبرع بوصف المبتلي فيكي
حتى بجمالك يحلمو الستات
تايخلفو كا ورود ماميكي
قبالك أنا وهالحرف وقفنا سوى
تا نوصف الأزهار بجناين حوى
هب العطر موجات من ثغر الهوى
لما بنسيمو باس شفتيكي
طلعنا بنظرنا صوب مرج ورود
والفل واليسمين غطو خدود
مد الحلا لسهول حول نهود
والحور غنى بسحر رجليكي
وشك بيوحي بالحلا والحب
وعيون تحكي عن غرام القلب
ياريت فيكي نلتقي عن قرب
لاعمل حروفي خواتم بديكي
شاعر العرب نادر منجة
أكاديمية النجاح للتدريب والتنمية 
أضف تعليق