،،،، يا شيخ يكفي ،،،،
ــــــــــــــــــــــــــــــــــــــــ،
سـلام يا من نهــبت الروح
يا اللي غــرامك معــذبني
بالصـدّ أشـكي لمن باروح
من غيـرك اللي يريحـني
إرثى لقـلبي الذي مجروح
من بُعدك الشوق ذابحني
لو كـان باب الهــوى مفتوح
في القلب يا ليت ترحمني
بالوصل دامه لنا مسموح
يكـفي مواعيـــد توعدني
اذكر فـديتك ليالي البوح
أيّــام ما كـــنت تعــشقني
كنّا حـلى روح فـوق الروح
تســعد بقربي و تسعدني
كالسمن فوق العسل مطروح
من خمـرة الثغر تســــكرني
و الحين من خبزك المملوح
كدّرت عيـشي تعـــــاقـبني
تحسب غرامك سفينة نوح
رافــض عليــــها تطلّـــعني
يا شيـخ يكفي غرورك روح
أنت الذي ســوف تخسرني
أما أنا ذي كــُتِب في اللـوح
قِسمي بحضنه سيأخذني
و قِسمك ٱنت البكاء و النوح
مبـــروك لك لا تـؤاخــذني
شعر:#ابوذوالفقار_الآنسي
معاني الكلمات
ــــــــــــــــــــــ،،،
دامه : لا يزال كذلك
قسمي : نصيبي و حظي
قسمك : نصيبك و حظك
أكاديمية النجاح للتدريب والتنمية 
أضف تعليق