هاجس نص الليل
…………………
نص الليل جالي هاجس
قالى حبيبك راح يسيبك
ولا أنت بكدا موش حاسس
بالوهم لساك فاكره حبيبك
قلت كلام الحب عالشفايف
والشوق بيدوب لهفة وحنين
ماأعرفش قلبي ليه خايف
اللوعة والأنين بيها حاسس
هاجس من النوم يصحيني
يقولى حبيبك راح يهجر
سال الدمع من عيني
أزاي على الفراق أصبر
راح النوم وحلت الهموم
الظنون جايبه معاها الحيرة
لقيت روحي وأنا مصدوم
من السيرة الأنفاس حابس
حقيقة ولا كنت بحلم
راح فين الشوق والهيام
وحبيبي إللي بيا بيحلم
ليه يضيع من قلبه الغرام
مر سؤال على الخاطر
إيه يكون سبب الهجران
ولا بحبي راح يخاطر
يبيع الحنان ويقول بناقص
……
بقلم.الشاعر
الأمير_محمود
أكاديمية النجاح للتدريب والتنمية 
أضف تعليق