افرد وشك..
عبدالله رجب ابوعدنان
ياما قالو خلفته بنات
وطول الوقت ف سكات
لو داري قد ايه الرحمات
والحب و السكينه
افرد وشك
الكل بيغشك
و البد ف عشك
ليه عيونك حزينه
دي أرض وإنت اللي بترويها
الخير والعمار ساكن فيها
بذرة طرحت مودة
ربك هوا اللي ادا
ليه م الناس بتستخبى
للجنة سايقاك ليها
وعلى سرك أمينه
ابتسم ابتسامه المحب
واشكر فضل ونعم الرب
ولا نسيت إنك أب
ومراتك مالها ذنب
طول النهار تبكت فينا
من جهل والحاد
البنت زي الولاد
تفرحك ف الاعياد
اوعى تتخلى عن انسانيتك
وتصير جماد
لا تلاقي مركب ولا مينا
بنت ب ميه ولد
ومش بكتر العدد
وقول يارب مدد
وسيبك من كلام أهل البلد
وصلي على خير البشر نبينا
افرد وشك..
عبدالله رجب ابوعدنان
أكاديمية النجاح للتدريب والتنمية 
أضف تعليق