بر أمان.
عبدالله رجب ابوعدنان
ف لحظه التوهه تكون بر أمان
تدخل نداهه وف ركب الأحزان
وازق ف حلم وادفع
محتاج دانه مدفع
واجري ورا سراب ومتصربع
وكل الشواطئ عليها بقع
دم مخلوط بميه
واتمنى لو اللحظه تقصر
والعمر يعدي شويه بشويه
وأسأل نفسي الأخوة جابو منين الاسيه
الترعه واتردمت
والبيوت اتقسمت
والدنيا لناس رقصت
ورجوله تشبه فعل النسوان
على بعد خطوه
من شط البركه
وانا صغير كنت بشوف الكون
بعيون مفبركه
صبح الكلام الحلو والقلب الحنون
تشتريه بالفكه
طبيب قالي إني مجنون
بحب الشعر ومجذوب
وجرحك صعب يطيب
امال فايده الطبيب
لما اتوه ف أول السكه
واخسر الحبايب والخلان
انا ممكن ابطل شعر
وادوس على نفسي واشرب المر
لكن يفضل صوتي حر
ومسكت الأوسمة والجوائز
وافرك فيها يمكن تكلمني
النجاح يعني يبعد كل القربه
الاحبه الاخوه
حتى زوجتي بتغير وجواها تهته
صدقت إن كل شيء جائز
وحضنت نفسي بأول ديوان
سميته ليل الغلابة
وغنيت ع الربابة
وع الغلاف شجون وأحزان
لو بس اللي حبيتهم
يرجعو من تاني ياخدوني ب الاحضان
أكاديمية النجاح للتدريب والتنمية 
أضف تعليق