ماشيه بالمقلوب.
عبدالله رجب ابوعدنان
كرهت الجوايز والأوسمة
لما النفوس متأسمة
وخلاص بقت مكلمة
ورياء وتربيطات
وشوية مجاملات
والدنيا خد وهات
وماشيه بالمقلوب
وناس بتاخد ب الشكل
وكل الناس ليا أهل
كلامي بسيط وسهل
وساعات ف العمق
مش فلسفه ولا منطق
وناس ع العياقه تتفق
وأنا راضي ب المكتوب
يفيد بأيه لو شاعر فز
وسكني ف عيون الغلابة
رسموني قلوب
وناس ف الهجايص بتقول
أي كلام والسلام معسول
واكتر حاجه بحبها الفول
وفلافل ف البوء بتدوب
ودنيا الذكايب زحمة
وقلوب عديمة الرحمة
حب الغلابة وحمة
وناس تهوى الضلمة
وناس تستاهل الضرب ب المركوب
تبص بعنيها ع الريحة والجايه
بجد نظرة ع الخلق مؤذيه
وف النص خسرت صحاب ليا
وما برتاح إلا وانا لابس الجلابيه
والشاعر ف بلدنا بيحدفوة بالطوب
وناس تقول على ناس
ويشتغل الوسواس الخناس
والكلمه الحلوة من ماس
وكلمه خبيثه تخليك معيوب
ماشيه بالمقلوب….
عبدالله رجب ابوعدنان
أكاديمية النجاح للتدريب والتنمية 
أضف تعليق