عايشين بنرسم فى الأمل
على شط بحر الشوق
رسمنا قلنا هيكتمل
طلع الأمل مسروق
والموج عكسنا ف رسمته
أصله كمان مخنوق
قالو دى موجه مروحه
وبكره الزمن هيروق
اتاريك يابحر غويط
جواك غارات وشقوق
ومهما كنت حويط
هتشدنى من فوق
قالولنا نمسك فى الخشب
طلع الخشب محروق
قالولنا بكره هتنعدل
وادينا أهه بندوق
قالو بكره راح تنفرج
صبح الفرج صندوق
امته هتهدا يابحر
وتسبنا لحظه نفوق
جربنا كل الحيل
وربطنافيك ميت حبل
اتاريك ياصبر بعيد
واحبلنا صبحة طوق
عايشين بنرسم فى الأمل
على شط بحر الشوق
رسمنا قلنا هيكتمل
طلع الأمل مسروق
أيمن السعيد نوفل
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
أكاديمية النجاح للتدريب والتنمية 
أضف تعليق