………حكاية وطن……….
ثورة شعب فيها رحلة سبعين عام والف مشوار
فيها الحزن صار مخيم بكل شارع وبكل دار
فيها حكاية زيتونة صار طعمها حنظل ومرار
فيها صرخة شجر من الارض إنقلعت بالجرار
فيها وجع شعب تشرد من دار لدار
فيها عزت نفس وشموخ حاولوا يكسروها الفجار
أه ه فيها دم أخ وأخت إنباع دمهم بالدولار
فيها طفل إنحرقت خدوده وأظافره بالنار
فيها يهودي وصهيون إجاشحاد وصار صاحب الدار
فيها إم بكيت على إبنها الشهيد
والوجع بعروقها يمشي صور والدمع مدرار
وفيها إم زغردت لإبنها وتقول ابني بالجنة صار
فيها إم قالولها إبنك إستشهد
قالتلهم ولادي الباقين كتار
وفيها أب لما سمع خبر إستشهاد إبنه
رقص ومن الفرحة طار
فيها عربي خان الجار وباع شرفه بالدولار
وفيها عربي كل يوم يصلي بالحرم
ونسي الأرض الي خانها و عرج منها صاحب الغار
وفيها عربي كان يجتمع بالدار الأبيض مع الكفار
يشرب من عصير دمنا ويحتفل على نشرة الأخبار
وفيها عربي سوري حب يوقف معنا
بكي وعرف أديش الدول علينا كتار
نحن قلبنا طيب فتحنالهم صدورنا وفرشنالهم الغار
قسمنا رغيف الخبز بيناتنا واكلنا كبار وصغار
أكلنا وصار بيناتنا خبز وملح
قالوا بالهمس حنا ذئب غدار
وصار الدم بالشوارع والسما صارت غبار
والطفل يستنجد بأمه
والأب إنقتل على إيد جزار
والصبايا إتشردت والدموع أصبحت أنهار
وين العرب والأحرار
صرنا بالخيام والغريب صار صاحب الدار
وملوك العرب إتشبهوا بالغراب وقتلوا الكنار
والقدس إتلفحت بالسواد
وما عاد في لا نور ولا نهار
إستغثنا بحكام إفتكرناهم نشامة وهمة كبار
وملوك هدونا باواريد بتقتل الي وراها وبتقطع الزنار
القدس نادت وينكم يا أحرار
ملوك الحجاز قالوا بعناكي وقبضنا التمن بالدولار
وهمنا الوحيد تبقا عروشنا
ولو تغيرت اسمائنا وصارت بغل وحمار
اليوم عرفت ثوب العيرة مايحرر الدار
رح لملم جروحي واصنع من دموعي نار
وخليها ثورة شعب على الفجار
أنافلسطيني يهد جدران بيته ليصنع ثورة حجار
ومن رغيف الخبز سيف يقطع روس متل صحن طيار
فلسطين راجعيلك مهما طال الإنتظار
فلسطين إنت عشق روحي وجنتي والنار
ثوب عرسك مطرز بدمي
انت صلاتي ومحرابي على مر الزمان
………………
مع تحيات شاعر فلسطين
……نبيل شاويش ……
- تعليق
- إعادة التدوين
-
اشترك
مشترك
ألديك حساب ووردبريس.كوم؟ تسجيل الدخول الآن.
أكاديمية النجاح للتدريب والتنمية 
أضف تعليق